آئی ایم ایف اتے دوست ملکاں نال ڳالھ مہاڑ کریندے پیوں، ملک کوں دیوالیہ تھیوݨ توں بچا ڳھدے، وزیر مملکت برائے خزانہ عائشہ غوث پاشا دی سینیٹ اجلاس اچ ڳالھ مہاڑ

اسلام آباد۔26جنوری (اے پی پی) وزیر مملکت برائے خزانہ عائشہ غوث پاشا آکھیا جو آئی ایم ایف اتے دوست ملکاں نال ڳالھ مہاڑ کریندے پیوں، ملک کوں دیوالیہ تھیوݨ توں بچا ڳھدے۔ عام بندے کوں ریلیف ݙیوݨ کیتے کم کریندے پیوں۔ اپوزیشن ملک دے چینلجز تے سیاست دی بجائے تجویزاں ݙیوے، رَل تے ملک کوں ترقی تے خوشحالی دی راہ تے ٹوریا ونڄ سڳدے۔ خمیس کوں سینیٹ اجلاس اچ وزیر مملکت برائے خزانہ عائشہ غوث پاشا آکھیا جو پاکستان کوں ماضی اچ ساریاں رَل تے ایں نہج تے پجائے۔ اقتدار اچ آئے تاں ملک معاشی دیوالیہ پن دی حد تے ویندا پیا ہئی۔ آئی ایم ایف پروگرام معطل ہئی، ساکھ کوں نقصان کیتا ڳیا ہئی، اے ساکوں وراثت اچ ملیے، یوکرین جنگ، عالمی کساد بازاری اتے مہانگ دے معیشت اتے توانائی تے اثرات پئن۔ اڄوکی حکومت آئی ایم ایف پروگرام بحال کیتے جئیں کیتے وݙے اقدامات کرݨے پئن۔ ملک دی تریخ دا ساریاں توں بدترین چھل آئے، ملک دی معیشت دا 30 ارب ڈالر دا ضیان تھیے۔ انہاں آکھیا جو معاشی ترقی کیتے کم کریندے پیوں۔

مضمون کا ماخذ : ایزٹیک گولڈ

متعلقہ مضامین