آندے 24 گھنٹے ملک اچ موسم ٹھڈا تے رکھا رہݨ دا امکان

اسلام آباد۔23نومبر(اے پی پی):آندے 24 گھنٹے ملک دے ٻہوں سارے علاقیں اچ موسم رکھا تے ٹھڈا رہݨ دا امکان اے ۔ جݙاں جو گلگت بلتستان، اُتلے خیبر پختونخوا ،اسلام آباد ، خطہ پوٹھو ہار تے کشمیر اچ موسم جُھڑ آلا رہݨ دے علاوہ کجھ جہیں تے تکھی ہوا گُھلݨ دے نال مینھ تے پہاڑاں تے ہلکی برف باری دا امکان اے جݙاں جو وسطی/جنوبی پنجاب اتے اُتلے سندھ دے کجھ میدانی علاقیں اچ سموگ / کوہیڑ پووݨ دا امکان اے ۔محکمہ موسمیات موجب اتوار دے ݙینھ ملک دیاں ٻہوں جہیں تے موسم رکھا تے ٹھڈا رہݨ دا امکان اے ۔ گزریل 24 گھنٹے ملک دے ٻہوں علاقیں اچ موسم رکھا جݙاں جو پہاڑی علاقیں اچ موسم جُھڑ آلا تے ٹھڈا رہیا ۔ اتلے سندھ تے پنجاب دے میدانی علاقے کوہیڑ دی وٹھ اچ رہیے ۔ مظفر آباد اچ 02 ملی میٹرمینھ ریکارڈ کیتا ڳئے ۔ ہفتے کوں ریکارڈ کیتے ڳئے گھٹ توں گھٹ درجہ حرارت دی رپورٹ موجب: لہہ منفی06 ،اسکردو منفی 04 اتے گوپس اچ منفی 03 ڈگری سینٹی گریڈ ریکارڈ کیتا ڳئے۔(

مضمون کا ماخذ : loteria آن لائن confiável

متعلقہ مضامین