والدین ٻالاں کوں پولیو دے قطرے لازمی پلواون ، ایں مرض دا خاتمہ کر تے ٻالاں دا مستقبل محفوظ بݨیسوں ، وزیراعظم شہباز شریف
Prime Minister Shehbaz Sharif addressing after kick starting the National Polio Vaccination Campaign in Islamabad on 19th August, 2022.
اسلام آباد۔19اگست (اے پی پی) وزیراعظم شہبازشریف آکھیے جو وفاق اتے صوبے رل تے پولیو جیہے موذی مرض داخاتمہ کریسوں تے آپݨے ٻالاں دامستقبل محفوظ بݨیسوں ۔ جمعہ کوں انسداد پولیو مہم دے آغاز تے خطاب کریندے ہوئیں وزیراعظم سارے پولیو ورکرز تے سکیورٹی فورسز دے جواناں کوں وی خراج تحسین پیش کیتے جیڑھے جو خطرے مل گھن تے آپݨی جاناں دے نذرانے پیش کرتے آپݨے فرائض سرانجام ݙیندے پئن ، ایں موقع تے وزیراعظم ٻالاں کوں پولیو دے قطرے پلا تے انسدادپولیو مہم دا آغازکیتے۔ وفاقی وزیرصحت عبدالقادر پٹیل ، وفاقی وزیراطلاعات ونشریات مریم اورنگزیب ، وزیراعلیٰ سندھ سید مرادعلی شاہ وی ایں موقع تے موجود ہن ۔ وزیراعظم آکھیے جو پولیو خطرناک مرض اے جیڑھا جو ٻالاں کوں معذوری اچ مبتلا کرسڳدے ایں کیتے سارے والدین اپݨے5 سال تئیں دی عمر دے ٻالاں کوں پولیو دے قطرے لازمی پلویسن تے قوم دے نونہالان دا مستقبل بݨاون۔ وزیراعظم آکھیے جو پوری دنیا اچ پولیو دا خاتمہ تھی چکیے ، پاکستان اچ وی اے مرض دم تروڑ چکیا ہئٰ لیکن بدقسمتی توں کجھ علاقیں اچ پولیو دے ول سامݨِے آئے۔ وزیراعظم ایں عزم د اظہار کیتے جو وفاق اتے صوبے رل تے پولیو دا خاتمہ کریسن تے اجتماعی بصیر ت تے قوت کوں بروئے کارگھن آںدے ہوئیں ٻالاں دا مستقبل محفوظ بݨیسن۔ وزیراعظم پولیو ورکرز کوں خراج تحسین پیش کیتے جیڑھا جو پاکستان دے طول و عرض اچ ہر طرح دے حالات تے دشوار گزار علاقیں اچ ساریاں رکاوٹاں پار کریندے ہوئیں ٻالاں کوں گھر گھر ونڄ تے پولیو دے قطرے پلویندے پئن ۔ وزیراعظم آپݨے فرائض دی انجام دہی دے دوران اپݨی جاناں دی قربانی ݙیوݨ آلے سکیورٹی فورسز دے جواناں کوں وی خراج عقیدت پیش کیتے تے آکھیے جو پوری قوم انہاں دیاں قربانیاں کوں سلام پیش کریندی اے ۔ وزیراعظم وفاقی وزیرصحت ، وزیراعلیٰ سندھ ، ساریاں صوبائی حکومتاں بشمول کشمیر و گلگت بلتستان دا وی شکریہ ادا کیتے او پولیو دے خلاف مہم اچ بھرپور کردار اداکریندے پئن ۔ انہاں آکھیے جو ایں کارخیر اچ حصہ گھنݨ آلے سارے اداریں تے تنظیماں دا وی شکریہ اداکیتے۔ وزیراعظم آکھیے جو اساں اجتماعی کوششاں کوں بروئے گھن آتے اللہ دے فضل و کرم نال ایں مرض کوں مکیسوں ۔
