پاکستان دا اقوام متحدہ اچ فلسطینیاں دے حق اچ آواز چاوݨ تے مرحوم ایرانی صدر کوں خراج عقیدت ، امریکا دا تقریب توں با ئیکاٹ

اقوام متحدہ۔31مئی(اے پی پی):پاکستان اقوام متحدہ دی جنرل اسمبلی اچ اسلامی ملکاں دی نمائندگی کریندے ہوئیں مرحوم ایرانی صدر ابراہیم رئیسی دی خدمات خاص طور تے فلسطینیاں دے حق اچ آواز چاوݨ سودھے اتے بیت المقدس دے تحفظ سانڳے او آئی سی دیاں کوششاں اچ تعاون تے انہاں کوں خراج عقیدت پیش کیتے۔ اقوام متحدہ دی193 رکنی جنرل اسمبلی روایتی طور تے کہیں وی عالمی رہنما کوں خراج تحسین پیش کرݨ سانڳے نشست دا اہتمام کریندی اے جیڑھے آپݨی موت ویلھے ریاست دے سربراہ دے عہدے تے فائز ہوندے۔ جنرل اسمبلی دی نشست اچ پاکستان دےسفیر منیر اکرم آکھیے مرحوم صدر دی قیادت، دانشمندی اتے اتفاق رائے دی سیاست دی بدولت، اتے او آئی سی دے ٻئے رہنماواں دی مسلسل حمایت توں اے تنظیم عالمی امن، سلامتی اتے خوشحالی دے ودھارے سانڳے ٻئی تکڑی تے موثر طاقت بݨ ڳئی اے ۔ جنرل اسمبلی اچ مرحوم ایرانی صدر ابراہیم رئیسی کوں خراج عقیدت پیش کریندے ہوئیں کجھ دیر سانڳے چپ کرݨ دے بعد انہاں دی پیش کیتی ڳئی خدمات کوں خراج تحسین پیش کیتا ڳئے جݙاں جو امریکا مرحوم صدر رئیسی تے انسانی حقوق دی خلاف ورزیاں دا الزام لیندے ہوئیں تقریب دا بائیکاٹ کیتے۔

مضمون کا ماخذ : لاٹری کے نتائج

متعلقہ مضامین