وزیراعظم شہباز شریف نال یورپی یونین دے صدر چارلس مائیکل دی ملاقات

شرم الشیخ۔7نومبر(اے پی پی)وزیراعظم شہباز شریف اتے یورپی یونین دے صدر چارلس مائیکل مصر اچ اقوام متحدہ دی موسمیاتی تبدیلی بارے کانفرنس کاپ 27 دے موقع تے ملین۔ چارلس مائیکل پاکستان اچ سیلاب نال تھیوݨ آلے نقصانات اتے قیمتی انسانی جاناں دے ضیان تے افسوس کیتے۔ وزیراعظم سیلاب متاثرین دی مدد کیتے یورپی یونین دے احساس اتے امداد تے شکریہ ادا کیتا۔ انہاں اتفاق کیتے جو موسمیاتی تبدیلیاں دے تباہ کن اثرات نال نمتݨ سانڳے سارے ملکاں کوں کٹھا تھیوݨا ہوسی، دہشت گردی دے خلاف جنگ آلی کار موسمیاتی تبدیلیاں بارے وی عالمی اتحاد دی لوڑھ اے۔ انہاں فیٹف دی گرے لسٹ توں نکلݨ اچ ہتھ ونݙاوݨ تے یورپی یونین دا شکریہ ادا کیتے اتے یورپی یونین نال کثیرالجہتی تعاون دی خواہش کیتی جو یورپی یونین اتے پاکستان شراکت داری و ݙوطرفہ تعاون سانڳے رل تے کم کریندے پن۔ انہاں آپسی تعلقات بئے تکڑے کرݨ تے اپݨا عزم دوہرائے اتے قریبی روابط ودھاوݨ تے اتفاق کیتے۔

مضمون کا ماخذ : قزاقوں کی کافی مقدار

متعلقہ مضامین