قوم دی خاطر جام شہادت نوش کرݨ آلے قوم دے محسن ہن،صدر مملکت ڈاکٹرعارف علوی

اسلام آباد۔12جون (اے پی پی):صدر مملکت ڈاکٹرعارف علوی بلوچستان اچ دہشت گرداں دے حملے اچ شہید تھیوݨ آلے ایف سی اہلکاراں دے لواحقین نال ٹیلی فون تے ڳال کریندے ہوئیں آکھیے جو قوم دی خاطر شہید تھیوݨ آلے قوم دے محسن ہن ،ہفتے کوں ایوان صدر دے میڈیا آفس توں جاری بیان موجب اے ایف سی اہلکار افغانستان ولوں دہشت گرداں دے حملے دے نتیجے اچ شہید تھئن ۔ایف سی اہلکار 5 مئی کوں منزکئی سیکٹر، ژوب، بلوچستان اچ پاک ۔افغان سرحد تے باڑ لاوݨ اچ مصروف ہن ۔صدر مملکت حوالدار نور اتے سپاہی محمد شکیل دے اہلِ خانہ نال فون تے رابطہ کیتے ۔صدر عارف علوی سپاہی قربان علی، غفران علی اتے احسان دے اہلِ خانہ نال وی ٹیلی فون تے ڳال کریندے ہوئٰں آکھیے جو قوم دی خاطر جامِ شہادت نوش کرݨ آلے قوم دے محسن ہن ۔صدر عارف علوی شہدا کوں قوم کیتے وݙی قربانی ݙیوݨ تے خراج عقیدت پیش کیتا۔ صدر مملکت شہیداں کوں انہاں دی بہادری اتے خدمات تے وی خراجِ تحسین پیش کریندے ہوئیں شہیداں دے اچے درجے کیتے دعا کیتی تے انہاں دے خاندان نال اظہار ہمدردی کیتے ۔

مضمون کا ماخذ : جوگوس ڈی لوٹیریا آن لائن

متعلقہ مضامین