عوام کوں گھراں دی فراہمی دا وعدہ پورا کریسوں،تعمیراتی شعبے کوں ݙتے ڳئے پیکج اتے مراعات دے اثرات سامݨے آوݨ شروع تھی ڳئن ، وزیراعظم عمران خان

اسلام آباد۔8اپریل (اے پی پی):وزیراعظم عمران خان آکھیے جو عوام کوں اپݨے گھراں دی فراہمی دا وعدہ پورا کریسوں ، تعمیراتی شعبے کوں ݙتے ڳئے پیکج اتے مراعات دے اثرات سامݨے آوݨ شروع تھی ڳئن ، معاشی سرگرمیاں تکھیاں تھی ڳئن ۔اے ڳال انہاں خمیس کوں پاکستان ہائوسنگ سکیم دے تحت فراش ٹائون اچ اپارٹمنس دے سنگ بنیاد رکھݨ دی تقریب توں خطاب کریندے ہوئیں آکھی اے ۔ ایں موقع تے وفاقی وزیرداخلہ شیخ رشید احمد، سی ڈی اے ، ایف ڈبلیو او اتے نواں پاکستان ہائوسنگ دے حکام وی موجود ہن۔وزیراعظم آکھیے جو اڄ میکوں وݙی خوشی تھیندی پئی اے جیں منصوبے دی اساں اتنے عرصے توں تیار کریندے پئے ہاسے ایندے تے کم شروع تھی ڳئے ۔ وزیراعظم آکھیے جو اساں مارگیج فنانسنگ کیتے بینکاں نال مذاکرات کیتے،انفراسٹرکچر بݨوایا تاں جو عام بندے کوں گھر دی تعمیر کیتے سستہ قرضہ مل سڳے اتے غریب آدمی وی اپݨے گھر دا مالک بݨ سڳے، ہݨ ہائوسنگ دیاں سکیماں تے بینک وی قرضے ݙیوݨ تے تیار تھی چکن ،فراش ٹائون اچ 2 سال دے اندر لوکاں کوں فلیٹس تعمیر کر تے ݙتے ویسن، ایں منصوبے تے ایف ڈبلیو او اتے نواں پاکستان ہائوسنگ کوں مبارخ ݙیندان ۔ وزیراعظم آکھیے جو بینک عام بندے کوں گھر دی تعمیر کیتے قرضے نہ ݙیندے ہن حالی وی بینکاں دے تلویں سٹاف ولوں کجھ رکاوٹاں پیدا کیتیاں ویندیاں پئن جنہاں کوں حل کیتا ویندا پئے ۔ سی ڈی اے کوں مبارخ ݙینداں جیں نیا پاکستان ہائوسنگ کیتے ٻہوں کم کیتے ،اساں سی ڈی اے اچ ون ونڈو آپریشن اتے آٹومیشن دے پاسے ویندے پیوں ،لوکاں کوں اجازت نامیں دے حصول کیتے کافی مشکل داسامنا کرݨا پیا ہئی۔

مضمون کا ماخذ : estratégias para loteria

متعلقہ مضامین