صدر مملکت ممنون حسین کو ںبوسٹوانا ، ایکواڈور اتے فن لینڈ دے نامزد سفیراں اپنڑیاں سنداں سفارت پیش کر ڈتیاں

اسلام آباد ۔ 28 مارچ (اے پی پی) صدر مملکت ممنون حسین کو ںبوسٹوانا ، ایکواڈور اتے فن لینڈ دے نامزد سفیراں اپنڑاں سنداں سفارت پیش کر ڈتیاں ۔ایں سلسلے اچ بدھ کوںایوان صدر اچ ہک پروقار تقریب منعقد تھی، بعد ااچ سفیراں صدر مملکت نال انجھ انجھ ملاقات وی کیتی ۔ ایں موقع تے صدر مملکت سفیراں نال گال بات کریندے ہوئیں آکھیے جو پاکستان یورپ ، افریقہ تے جنوبی امریکہ سمیت سارے ملکاں دے نال سفارتی تے تجارتی تعلقات اچ مزید ودھارا چاہندے ۔انہاں ایں گال تے زور ڈتا جو بین الاقوامی براداری دا ہک ذمہ دار رکن اے تے سارے کثیر الجہتی تے بین الاقوامی فورماں تے بئے ملکاں دے نال نیڑے تعاون دے ذریعے رل تے کم کریندا پے ۔انہاں آکھیا جو موجودہ حکومت دیاںموثر پالیسیاں پاروں پاکستان دے اقتصادی اشاریے بہتر تھے ہن جیں دا اعتراف بین الاقوامی معاشی اداریں وی کیتے۔صدر ایں گال تے زور ڈتا جو پاکستان اچ سرمایہ کاری سانگے ساز گار فضاءاتے بھرپور کاروباری موقع موجود ہن۔انہاں غیر ملکی سرمایہ کاراں کوں دعوت ڈتی جو او مختلف شعبیں اچ سرمایہ کاری کریندے ہوئیں دستیاب موقعیں توں فائدہ چاون ۔ صدر مملکت پاکستان اچ متعین نویں سفیران کوں مبارخ ڈیندے ہوئیں امید ظاہر کیتی جو او پاکستان دے نال اپنڑے اپنڑے ملک دے موجودہ تعلقات کوں مزید پکا بنڑاونڑ سانگے کم کریسن ۔ صدر مملکت کو ںسفارتی سنداں پیش کرنڑ آلے سفیراں اچ بوسٹوانا دے نامزد سفیر موتھوسی بروس راباشا پلائی، ایکواڈور دے نامزد سفیر جرمن ایلی جاندرو اورتیگا المیدہ اتے فن لینڈ دے نامزد سفیر ہیری کامارینن شامل ہن ۔ایندے توں پہلے نامزد سفیر بگھی اچ سوار تھی تے ایوان صدر دے مرکزی دروازے تے پجے ایں موقع تے پاکستان تے متعلقہ ملکاں دے قومی ترانے وجائے گے تے نامزد سفیراں کوں گارڈ آف آنر وی پیش کیتا گیا ۔

مضمون کا ماخذ : jogos de azar no Brasil

متعلقہ مضامین