ڪورونا جي وبا باوجود اڍائي سال ۾ 20 ارب ڊالر جا ٻاهريان قرض واپس، 6 هزار ارب روپيا قرضن جون قسطون ادا ڪري چڪا آهيون: وزيراعظم

APP88-180221 ISLAMABAD: February 18 -Prime Minister Imran Khan addressing the ceremony regarding Roshan Digital Account crossing 500 million dolars mark in remittances. APP

اسلام آباد – 18 فيبروري (اي پي پي) وزيراعظم عمران خان چيو آهي ته ڪورونا وائرس جي وبا جي باوجود موجوده حڪومت اڍائي سال ۾ 20 ارب ڊالر جا ٻاهريان قرض واپس ڪيا آهن جيڪو هڪ رڪارڊ آهي، 6 هزار ارب روپيا قرضن جون قسطون ادا ڪري چڪا آهيون، ملڪي معيشت مثبت رخ ۾ گامزن ٿي چڪي آهي، بئنڪون عام ماڻهن کي گهرن جي تعمير لاءِ قرض فراهم ڪن، ٻاهرين ملڪ پاڪستانين کي روشن ڊجيٽل اڪائونٽ بابت آگاهه ڪرڻ جي لاءِ مشهوري مهم هلايو، نيون ٽيڪسٽائيل ملون لڳي رهيون آهن، صنعتي شهرن ۾ ورڪرز نه ملي رهيا آهن، اها تمام وڏي تبديلي آهي، 20 ارب ڊالر جو تاريخي خسارو ورثي ۾ مليو، روپئي جو قدر گهٽجڻ سان هر شيءَ مهانگي ٿي وئي. هو روشن ڊجيٽل اڪائونٽ جي ذريعي موڪليل مٽاسٽا جو ناڻي 500 ملين ڊالر کان وڌڻ جي موقعي تي ٿيندڙ تقريب کي خطاب ڪري رهيو هو. ناڻي وارو صلاحڪار عبدالحفيظ شيخ، پرڏيهي وزير شاهه محمود قريشي سميت وفاقي وزير، صلاحڪار، خاص مددگار ۽ بئنڪن جا سربراهه به ان موقعي تي موجود هئا. وزيراعظم چيو ته هو تقريب ۾ شريڪ ڪرڪيٽرن ۽ بئنڪرن کي خوش آمديد چوي ٿو ۽ اسٽيٽ بئنڪ جي گورنر کي مبارڪباد پيش ڪريون ٿا ته روشن ڊجيٽل اڪائونٽ جي ذريعي مٽاسٽا جو ناڻو 500 ملين ڊالر کان وڌي ويو آهي، اها وڏي ڪاميابي آهي، ڇاڪاڻ جو اسان ڪيتري ئي عرصي کان ڪوشش ڪري رهيا هئاسين ته سمنڊ پار پاڪستانين مان فائدو کنيو وڃي. وزيراعظم چيو ته آئون 20 سالن کان چئي رهيو هئس ته سمنڊ پار پاڪستاني ملڪ جي لاءِ تمام وڏو اثاثو آهن، منهنجو انهن سان ڪرڪيٽ ۽ شوڪت خانم منصوبي جي ڪري سدائين رابطو آهي ۽ اهي اسان جي تمام وڏي قوت آهن.

مضمون کا ماخذ : پاور بال کے نتائج

متعلقہ مضامین