وزیراعظم محمد شہباز شریف دا ڈیرہ غازی خان اچ مفت اٹا تقسیم مرکز دا دورہ

ڈیرہ غازی خان۔12اپریل (اے پی پی) وزیراعظم محمد شہباز شریف بدھ کوں ڈیرہ غازی خان اچ غازی یونیورسٹی اچ مفت اٹا تقسیم مرکز دا دورہ کیتا، شہریاں دے مسئلے سݨیے اتے اٹے دے تھیلے آپ تقسیم کیتے۔ ایں موقع تے وفاقی وزیر اطلاعات و نشریات مریم اورنگزیب، مسلم لیگ (ن) دے رہنما اویس لغاری اتے متعلقہ افسر وی موجود ہن۔ وزیراعظم اٹے دے تھیلے تقسیم کرݨ دے نظام دا جائزہ ڳھدا۔ وزیراعظم کوں متعلقہ حکام ولوں بریفنگ ݙتی ڳی۔ وزیراعظم لوکاں کول ڳے اتے مستحقین دے مسئلے سݨیے اتے انہاں دے حل کیتے حکام کوں ہدایت کیتی۔ ڈیرہ غازی خان اچ مستحق ٹبراں اچ 13 لکھ توں ودھ اٹے دے تھیلے تقسیم کیتے ویندے پن۔ وزیراعظم ڈیرہ غازی خان، راجن پور، مظفرگڑھ اتے لیہ دی انتظامیہ کوں مفت اٹا تقسیم کرݨ دے انتظامات تے شاباش ݙتی۔ ایں موقع تے وزیراعظم نال مفت اٹا مرکز اچ گرلز گائیڈز ایسوسی ایشن دی گرلز گائیڈز وی ملاقات کیتی۔

مضمون کا ماخذ : سمندری ڈاکو گولڈ

متعلقہ مضامین