دادو۔27ستمبر (اے پی پی) وزیراعظم محمد شہباز شریف آکھیا جو سیلاب متاثرین اچ 42 ارب تقسیم تھی ڳئن، سندھ اچ باقی متاثرین کوں وی جلدی 25 ہزار روپے دی امداد مل ویسی۔ اے ویلھا نمبر گیم یا جلسے جلوساں دا نی بلکہ متاثرین دی مدد کرݨ دا اے۔ عالمی برادری، دوست ملکاں دا شکریہ ادا کریندوں جنہاں اوکھے ویلھے اساݙے مدد کیتی۔ اساں رل تے پاکستان کوں عظیم ٻݨاوݨے، سارے وسائل اتے صلاحیتاں لا تے ایں مصیبت توں نکل ویسوں۔ او منگل کوں دادو دے دورہ دے بعد صحافیاں نال ڳالھ مہاڑ کریندے پئے ہن۔ وزیراعلی سندھ سید مراد علی شاہ اتے صوبائی کابینہ دے اراکین وی انہاں نال ہن۔ وزیراعظم شہباز شریف آکھیا جو سہون شریف دا دورہ کیتے، ہݨ دادو اچ موجود ہم، ہر ڄاہ تے پاݨی تباہی مچائی اے، سہون شریف اتے دادو اچ ہݨ وی پاݨی اے، 1600 توں ودھ لوک بشمول ٻال اتے ٻالڑیاں اللہ کوں پیارے تھی ڳئن۔ 13 لکھ مویشی پاݨی اچ وہہ ڳئن، لکھاں ایکڑ تے کھڑی کپاہ دی فصل اتے چاول دی فصل دا ضیان تھیے۔ لکھاں گھر تباہ تھی ڳئن۔ انہاں آکھیا جو اڄوکے چھل اچ پاکستان کوں 30 ارب ڈالر دا نقصان تھیے۔ سارے مخیر حضرات دا دل توں شکریہ ادا کرینداں جیڑھے متاثرین دی مدد کریندے پئن۔ سندھ اچ وزیراعلی سندھ سید مراد علی شاہ دی قیادت اچ حکومت متاثرین دی ہرممکن مدد کریندے پئن۔ مسلح فوج، پی ایم ڈیز اتے ٻئے ادارے کم کریندے پئن۔ انہاں آکھیا جو ترائے کروڑ 30 لکھ ایں چھل توں متاثر تھین۔ انہاں آکھیا جو اے ویلھا نمبر گیم یا جلسے جلوساں دا نی بلکہ متاثرین دی مدد کرݨ دا اے۔ عالمی برادری، دوست ملکاں دا شکریہ ادا کریندوں جنہاں اوکھے ویلھے اساݙے مدد کیتی۔ اساں رل تے پاکستان کوں عظیم ٻݨاوݨے، سارے وسائل اتے صلاحیتاں لا تے ایں مصیبت توں نکل ویسوں۔ سیلاب متاثرین اچ 42 ارب تقسیم تھی ڳئن، سندھ اچ باقی متاثرین کوں وی جلدی 25 ہزار روپے دی امداد مل ویسی۔
