پوری قوم دہشت گردی دے خلاف جنگ اچ سیکیورٹی فورسز نال کھڑی اے، وزیر اعظم محمد شہباز شریف

اسلام آباد۔16جولائی (اے پی پی) وزیر اعظم محمد شہباز شریف آکھیا جو پوری قوم دہشت گردی دے خلاف جنگ اچ سیکیورٹی فورسز نال کھڑی اے، دہشت گردی کوں ختم کرݨ کیتے پرعزم ہیسے۔ وزیراعظم آفس میڈیا ونگ توں جاری بیان اچ وزیر اعظم محمد شہباز شریف بنوں چھاؤنی تے ہک وݙا دہشت گرد حملہ ناکام ٻݨاوݨ تے سکیورٹی فورسز کوں خراج تحسین پیش کیتا اتے دہشت گرداں دا بہادری نال مقابلہ کریندیں ہوئیں ݙاہ دہشت گرداں کوں جہنم واصل کرݨ تے سکیورٹی فورسز دی تعریف کیتی۔ وزیراع??م بنوں چھاؤنی اچ دہشت گرداں دے حملے دی شدید مذمت کیتی اتے حملے اچ شہید تھیوݨ آلے پاک فوج اتے فرنٹئیر کانسٹیبل??ی دے جواناں کوں خراج عقیدت پیش کیتا۔ وزیراع ظم حملے اچ شہید تھیوݨ آلے پاک فوج دے جواناں نائب صوبیدار محمد شہزاد ، حوالدار ظل حسین ، حوالدار شہزاد احمد ، سپاہی اشفاق حسین خان، سپاہی سبحان مجید، سپاہی امتیاز خان، سپاہی ارسلان اسلم اتے فرنٹئیر کانسٹیبل??ی دے لانس نائیک سبز علی دے بلندی درجات دی دعا کیتی اتے شہیداں دے ٹبراں نال تعزیت وی کیتی۔ وزیر اعظم محمد شہباز شریف آکھیا جو پوری قوم دہشت گردی دے خلاف جنگ اچ سیکیورٹی فورسز نال کھڑی اے، دہشت گردی کوں ختم کرݨ کیتے پرعزم ہیسے۔