پٹرولیم مصنوعات دیاں قیمتاں گھٹ کرتے عوام کوں ریلیف ݙتا ڳئے ،وفاقی وزیر خزانہ محمد اسحاق ڈار

اسلام آباد۔16مئی(اے پی پی) وفاقی وزیر خزانہ و محصولات سینیٹر محمد اسحاق ڈار آکھیے پٹرولیم مصنوعات دیاں قیمتاں گھٹ کرتے عوام کوں ریلیف ݙتا ڳئے ، قیمتاں گھٹ تھیوݨ دا فیدہ عوام تئیں ??ڄاوݨ کیتے اساں ساریں کوں آپݨی ذمے واری ادا کرݨی ہوسی ۔ قومی اسمبلی اچ ڳالھ کریندے ہوئیں انہاں آکھیے حکومت دی پوری کوشش اے جو گزریل حکومت دی ذمے واریاں دی درستگی کیتی ونڄے تے عوام کوں ریلیف ݙتا ونڄے۔ اڄ توں نویاں قیمتاں دا تعین کیتا ڳئے تے قیمتاں گھٹ کیتیاں ڳئن ?? ڈیزل دی قیمت 30 روپے تے پٹرول دی قیمت 12 روپے گھٹ کیتی ڳئی اے ۔ ایویں کساناں دی سہولت کیتے لائٹ ڈیزل دی قیمت کوں وی گھٹ کیتا ڳئے ۔ وزیرخزانہ آکھیے ڈیزل دی قیمت اچ تقریباً 11 فیصد گھٹکی تھئی اے ۔ ٹرانسپورٹرز کوں کرائے گھٹ کرݨے چ??ہیدن ۔ صوبائی حکومتاں دی وی ذمہ واری اے جو ایندا فیدہ عوام تئیں ??ڄاوݨ کیتے اقدامات کیتے ونڄن ایندا فیدہ لوکاں تئیں ??ڄاوݨ اساں ساریں دی ذمے واری اے ۔