اسلام آباد۔7اکتوبر(اے پی پی)فلسطین اتے غزہ تے اسرائیلی جارحیت دی مذمت اتے فلسطینی عوام نال یکجہتی کیت?? ایوا?? صدر اچ کل جماعتی کانفرنس تھئی جیندے اچ شریک سیاسی جماعتاں دے قائدین غزہ اچ اسرائیل ولوں فلسطینیاں دی نسل کشی دی مذمت کریندے عالمی برادری کوں آکھیا ڳئے جو او اسرائیلی جارحیت رکواوݨ کیتے کردار ادا کرے، مسلہ فلسطین حل کیتے بغیر مشرق وسطیٰ خاص کر ڄڳ اچ امن نئیں تھی سڳدا۔ کل جماعتی کانفرنس ایوا?? صدر اسلام اباد ا?? صدر مملکت آصف علی زرداری اتے وزیراعظم محمد شہباز شریف دی کٹھی اڳواݨی اچ تھئی جیندے نال مسلم لیگ (ن) دے صدر و سابق وزیراعظم محمد نواز شریف فلسطین دے نہتے شہریاں تے مظالم کوں تاریخ دی بدترین مثال قرار ݙیندے آکھیے جو اسرائیلی جارحیت تے چپ کرݨ انسانیت دی ناکامی اے، وݙیاں وݙیاں عالمی قوتاں اسرائیل دی پشت پناہی کرینداں پن، انہاں کوں وی سوچݨا چاہیدے، ڄیکر اقوام متحدہ فلسطین اتے کشمیر بارے اپݨیاں قرارداداں تے عملدرآمد نئیں کرا سڳدا تاں ایندا کیا فیدہ، عالم اسلام کوں رل تے غزہ اتے فلسطین دی صورتحال تے فیصلہ کن اقدامات کرݨے ہوسن۔ امیر جماعت اسلامی پاکستان حافظ نعیم الرحمن آکھیا جو اسرائیل ہک سال اچ غزہ تے 85 ہزار ٹن بارود سٹیے جیندے نال 80 توں 90 فیصد عمارتاں مکمل تباہ تھی چکین، 10 ہزار مرد، خواتین اتے ٻالا ملبے ہیٹھ دٻیے ہوئن، 42 ہزار توں ودھ لوک جیندے اچ 30 ہزار ٻآل وی ہین شہید تھئین، 173 صحافی، 900 ڈاکٹرز اتے پیرا میڈیکل سٹاف دے اراکین شہید تھئین، ایکوں نسل کشی نا آکھوں تاں کیا آکھوں؟ عالمی عدالت انصاف اچ وی ثابت تھی چکیے جو اسرائیل فلسطینی عوام دی نسل کشی کریندا پئے، مسیتاں اتے چرچاں سو??ھا سکول، ہسپتال اتے پناہ گزین کیمپاں کوں وی نشانہ ٻݨایا ڳئے ڄیڑھا انسانیت دے خلاف بدترین عمل ا?? ایکوں قتل عام توں علاوہ ٻیا کڄھ نئیں آکھیا ونڄ سڳدا، ایں اجلاس تون ہک و موقف ونڄݨا چاہیدے جو اسرائیل دی بدترین جارحیت کوں روکݨا ہوسی، جنیوا کنونشن اچ شریک 150 ممالک دی ذمہ داری اے جو او اسرائیلی جارحیت رکواوݨ اچ کردار ادا کرے۔ مسلم لیگ (ق) دے رہنما و وفاقی وزیر مذہبی امور چوہدری سالک حسین آکھیا جو وزیراعظم اقوام متحدہ دی جنرل اسمبلی اچ پاکستان دا تکڑا موقف رکھیے، ساکوں فلسطینیاں تے مظالم رکواوݨ خآص کر ٻالاں دی شہادت دے خلاف اقدامات کرݨے ہوسن تاں جو معصوم فلسطینیاں دی جان بچائی ونڄ سڳے۔ استحکام پاکستان پارٹی دے سربراہ اتے وفاقی وزیر مواصلات عبدالعلیم ??ان زور ݙتے جو فلسطینیاں دی مدد کیتے فعال سفارتکاری دی لوڑھ اے، امت مسلمہ کوں کٹھا کیتا ونڄے، مغرب سو??ھا اقوام عالم ایں معاملے تے اپݨی بے حسی ختم کرن اتے مسئلہ فلسطین دے حل کیتے کوششاں تیز کیتاں ونڄن۔ ایم کیو ایم دے رہنما و وفاقی وزیر تعلیم خالد مقبول صدیقی آکھیا جو سفارتی سطح تے اپݨا موقف ݙیوݨ کیتے پاکستان کوں اپݨے وفد اسلامی ممالک دے نال نال روس اتے چین وی ٻھیڄݨے چاہیدن، ساکوں اپݨے سکولاں اتے یونیورسٹیاں دے در فلسطینی طلباء کیتے کھولݨے ہوسن، ہݨ عملی اقدامات دا ویلھا اے۔ بلوچستان عوامی پارٹی دے رہنما خالد مگسی فلسطینی عوام نال یکجہتی اتے اسرائیلی مظالم دی مذمت کریندے آکھیے جو اسرائیل اتنے مظالم دے باوجود مظلوم فلسطینیاں دے حوصلے نئیں ھیݨے کر سڳیا۔ ا?? این پی دے رہنما ایمل ولی ??ان آکھیا جو فلسطینیاں تے مظالم بند تھیوݨے چاہیدن، حقیقت منیندے ہوئے ساکوں فلسطینی اتے کشمیری ٻھراواں کیتے اڳو آوݨا ہوسی۔ نیشنل پارٹی دے رہنما جان محمد بلیدی آکھیا جو اسرائیل اخلاقی، سیاسی و انسانی اقدار توں ٻاھرو نکل چکیے، ہݨ اے جنگ روکݨ کیتے سفارتی ذرائع استعمال کرݨے ہوسن جو اقوام متحدہ ڄڳ اچ امن و انصاف اچ ناکام تھئے۔ سربراہ ایم ڈبلیو ایم علامہ ناصر عباس آکھیا جو اسرائیل فلسطینی سرزمین تے غاصبانہ قبضہ کیتا ہوئے، فلسطینی حق تے ہین اتے فلسطینیاں دا ہتھ ونفاوݨ ساݙا فرض اے۔
