حكومت د هېواد په تعمير ٬ سماجي او اقتصادي پرمختګ كښې د مزدورانو د قدر وړ شركت تسليمووي

اسلام آباد 01 مئي(اے پی پی) دسمندر پورې پاكستانيانو او د بشري وسائلو پرمختګ وفاقي وزير پیر سیّد صدرالدین شاہ راشدی وئيلي دې حكومت د هېواد په تعمير ٬ سماجي او اقتصادي پرمختګ كښې د مزدورانو د قدر وړ شركت تسليموي ، مزدور زمونږ په معيشت كښې د ملا د تير حېثيت لري او د هېواد د اقتصادي پرمختګ شرح ٬ امن او همغږي زياتولو كښې د دوئي مرسته او جذبه ضروري ده۔ د مزدورانو نړيوالې ورځې په موقع خپل پېغام كښې ده ووئيل د هېواد په كچه د مزدورانو ټول قانونونه د نړيوال معيار ترمخه قلمبند كول زمونږ تر ټولو وړومبۍ ترجيح ده او په دې قانونو دې پرله پسې عملدرآمد باوري كړې شي۔ ده ووئيل پاکستان انټرنېشنل لېبر آرګنائزېشن (آئی اېل او) د 8 بنيادي كنونشنز پشمول د 36 کنونشز منظوری وركړې په كومو چې په سختۍ سره عملدرآمد جاري دې۔ مزدور او مالك زمونږ د هېواد د معيشت مركزي برخه ده او هنرمند مزدور د هېواد سماجي او اقتصادي پرمختګ كښې مهم كردار ترسره كوي۔ ده ووئيل وزارت د دې عزم پخلې كوي چې د مزدورانو د بنيادي حقونو خيال ساتلو به هره ممكنه هڅه كولې شي۔ ده ووئيل په دې مهال زه د پاكستان ټولو مزدورانو ته د زړه د كومې څخه د ددوئي په محنت او خوارۍ مباركي وركوم او دوئي له دعا كوم۔

مضمون کا ماخذ : لوٹیریا کا نتیجہ

متعلقہ مضامین