وفاقی حکومت فوجی عدالتاں دے قیام دے بعد 717 دہشت گرد ملزماں دے کیس ملٹری کورٹس کوں بھیجے،فوجی عدالتاں 546 کیساں دی سماعت مکمل کر تے انہاں دے فیصلے جاری کیتے، 310 دہشت گرداں کوں سزائے موت ،234 ملزماں کوں عمر قید دی سزا سنڑائی گی،آئی ایس پی آر

راولپنڈی ۔ 16 دسمبر (اے پی پی) پاک فوج دے شعبہ تعلقات عامہ (آئی ایس پی آر) اتوار کوں ملٹری کورٹس دے قیام دے بعد توں انہاں عدالتاں اچ بھیجے گئے مقدمیاں تے کارروائی دی تفصیل جاری کیتیاں ہن ۔ آئی ایس پی آر مطابق وفاقی حکومت فوجی عدالتاں دے قیام دے بعد 717 دہشت گرد ملزماں دے کیس ملٹری کورٹس کوں بھیجے گئے ہن جنہاں وچوں فوجی عدالتاں 546 کیساں دی سماعت مکمل کر تے انہاں دے فیصلے جاری کر ڈتے ہن۔ انہاں 546 مقدمیاں اچ 310 دہشت گرداں کو ںسزائے موت جڈاں جو 234 ملزماں کوں عمر قید سمیت گھٹ و گھٹ پنج سال تئیں دی سزا دے علاوہ مختلف عمر قید دیاں بئی سزائیں ڈتیاں گی ہن جڈاں جو ڈو ملزمان کوں بری کیتا گئے، جنہاں اچ 310 دہشت گرداں کوں سزائے موت ڈتی گی ہائی، انہاں وچوں56 دہشت گرداں کو ںفوجی عدالت دے نال نال بئی عدالتاں توں قنونی کارروائی دے بعد سزائے موت ڈتی گئی۔ انہاں دہشت گرداں دے فوجی عدالتاں دے فیصلیاں دے اعلیٰ سول عدالتاں اچ اپیلاں اتے صدر پاکستان اتے چیف آف آرمی سٹاف ولوں انہاں دی رحم دیاں اپیلاں خارج تھیونڑ دے بعد انہاں دی سزائے موت تے عملدرآمد کیتا گئے ۔ بیان مطابق باقی 254 دہشت گرداں دی سزائے موت دے خلاف اپیلاں مختلف اعلیٰ عدالتاں اچ زیر سماعت ہن۔ جنہاں دہشت گرداں دی سزائے موت دے خلاف اپیلاں دی سماعت اعلیٰ عدالتاں کیتی ہائی انہاں اچ دہشت گردی دے واقعات اچ ملوث ماسٹر مائنڈ، دہشت گردی دے منصوبیں تے عملدرآمد کرنڑ آلے اتے انہاں دے سہولت کاراں سمیت بئی کارروائیاں اچ ملوث ملزم شامل ہن۔ انہاں کارروائیاں اچ آرمی پبلک سکول پشاور تے 16 دسمبر 2014ءکوں کیتا گیا وڈادہشت گردی داحملہ شامل ہے ،جیندے اچ ملوث پنج ملزماں دی سزائے موت تے عملدرآمد کر ڈتا گئے ۔ ستمبر 2008ءاچ میریٹ ہوٹل اسلام آباد تے دہشت گرد حملے اچ ملوث ملزماں اتے دسمبر 2009ءاچ پریڈ لین دہشت گرد حملے، دسمبر 2009ءاچ آئی ایس آئی دے ملتان دفتر تے دہشت گردی دا حملہ، اپریل 2009ءاچ سپیشل سروسز گروپ دے چار اہلکاراں جنہاں اچ ڈو افسر شامل ہن، تے حملیاں اچ ملوث ہک دہشت گرد کوں وی پھاسی ڈتی گی ہے۔ ایں طرح نومبر 2010ءکو ںآئی ایس آئی دے دفتر سکھر تے حملہ اچ ملوث، اپریل 2012ءکوں مستونگ اچ دہشت گرد حملے دے ملزماں اتے جون 2013ءاچ نانگا پربت اچ غیر ملکیاں دے قتل، اگست 2013ءاچ چلاس اچ سول تے سیکورٹی حکام تے دہشت گرد حملے، جنوری 2014ءاچ ایس ایس پی چوہدری اسلم تے دہشت گرد حملے اچ ملوث ملزماں اتے جون 2014ءاچ کراچی ایئرپورٹ تے حملہ، اپریل 2015ءاچ مسز سبین محمود تے دہشت گرد حملے، مئی 2015ءاچ کراچی اچ صفورہ گوٹھ اچ دہشت گرد حملے، جنوری 2016ءاچ باچا خان یونیورسٹی تے حملے اتے جون 2016ءاچ امجد صابری قوال تے دہشت گرد حملے سمیت بئی مختلف دہشت گردی دیاں کارروائیاں اچ ملوث دہشت گرداں دیاں سزائیں تے عملدرآمد کر ڈتا گئے ۔

مضمون کا ماخذ : bolão dupla sena

متعلقہ مضامین