سینیٹرمشاہدحسین سید دی براک اوباما دے خصوصی مشیر پیٹرلیوائے نال ملاقات

اسلام آباد ۔ 8 اکتوبر (اے پی پی) جموں وکشمیربارے وزیراعظم دے خصوصی نمائندے سینیٹرمشاہدحسین سید امریکہ تے زورڈتے جو او کشمیر دے پرانڑیں جھیڑے دے حل اچ مددڈیوے جیندے نال عالمی امن کوں خطرہ تھی سگدے ۔ عالمی برادری ولوں مقبوضہ جموں کشمیر اچ بھارتی ناانصافیاں اتے مظالم اُتے اکھیں بند کرنڑ نال خطے دے امن کوں بہوں ودھ خطرے تھی سگدے ہن ۔ اے گالہیں انہاں چھنڑ چھنڑ کوں واشنگٹن اچ صدر براک اوباما دے خصوصی مشیر پیٹرلیوائے نال ملاقات اچ گالھ مہاڑ کریندے آکھیاں۔ ڈاکٹر شذرہ منصب وی انہاں دے نال موجود ہن ۔ انہاں پیٹرلیوائے کو ںبھارتی ظلم وستم پاروں مقبوضہ وادی اچ سلامتی دی وگڑدی صورتحال بارے ڈسایا۔ ایں موقعے تے مقبوضہ کشمیراچ بھارتی ظلم وستم دے دستاویزی ثبوت وی امریکی مشیر دے حوالے کیتے گئے ۔ وزیر اعظم دے خصوصی نمائندیاں امریکی صدر دے خصوصی مشیر کوں مقبوضہ کشمیر اچ انسانی حقوق دی وگڑدی صورتحال بارے ڈسایا۔ انہاں آکھیا جو پاکستان اتے بھارت وچال کشیدگی دہشت گردی دے خلاف جنگ اُتے اثرانداز تھی سگدی ہے ۔ کشمیر دا جھیڑا حل کیتے بغیر خطے اچ پائیدار امن دا قیام ممکن کائنی ۔ واشنگٹن اچ صحافیاں نال گالھ مہاڑ کریندے ہوئیں انہاں امریکہ تے زورڈتے جو او کشمیر دے پرانڑیں جھیڑے دے حل اچ مدد ڈیوے ،جیندے نال عالمی امن کوں خطرہ تھی سگدے ۔

مضمون کا ماخذ : Aztec خزانے

متعلقہ مضامین