انقره – 31 – مئي (اي پي پي) وزيراعظم محمد شهباز شريف ٽن ڏينهن جي سرڪاري دوري تي ترڪيءَ پهچي ويو. انقره ايئرپورٽ پهچڻ تي وزيراعظم محمد شهباز شريف ۽ سندس وفد ??و ترڪ دفاع واري وزير ۽ اعليٰ عملدارن شاندار استقبال ڪيو. ان موقعي تي وزيراعظم محمد شهباز شريف کي گارڊ آف آرنر پيش ڪيو ويو. دفاع وارو وفا??ي وزير خواجه محمد آصف، اطلاعات ۽ نشريات واري وفا??ي وزير مريم اورنگزيب، سيڙپڪاري بورڊ وارو وزير چوڌري سالڪ حسين، خاص معاون طارق فاطمي ۽ فهد حسين پڻ وزيراعظم سان گڏ آهن. وزارت عظميٰ جو عهدو سنڀالڻ کانپوءِ وزيراعظم شهباز شريف ??و ترڪيءَ جو هي پهريون دورو آهي. پرڏيهي وزير بلاول ڀٽو زرداري پڻ ترڪيءَ پهچندو. دوري (31 مئي کان 2 جون 2022ع) دوران وزيراعظم شهباز شريف جي صدر رجب طي?? اردوان سان نويڪلائي (ون آن ون) ملاقات ٿيند?? ج??هن کانپوءِ وفدن جي سطح تي ڳالهه ٻولهه ٿيندي. پاڪستان ۽ ترڪيءَ جي وچ ۾ ٻطرفن لاڳاپن جي سمورن رخن جو جائزو وٺڻ کانسواءِ ٻئي اڳواڻ علائقائي ۽ عالمي معاملن تي خيالن جي ڏي وٺ ڪندا. ٻئي اڳواڻ اجلاس کانپوءِ صحافين کي گڏيل خطاب پڻ ڪندا. صدر اردوان وزيراعظم جي مان ۾ آجياڻو پڻ ڏيندو. هلندڙ سال پاڪستان ۽ ترڪيءَ جي وچ ۾ سفارتي لاڳاپا قائم ٿيڻ جي 75 هين سالگرهه پڻ ملهائي پئي وڃي. دوري دوران صدر اردوان ۽ وزيراعظم شهباز شريف گڏيل طور تي يادگاري نشان پڻ جاري ڪندا جيڪو ترڪيءَ پاڪستان جي وچ ۾ غيرمعمولي ٻطرفن لاڳاپن جي ڊگهي تاريخ ۾ ان اهم سنگ ميل جي مناسبت سان تيار ڪيو ويو آهي. ترڪيءَ جا پرڏيهي معاملا، واپار ۽ صحت وارا وزير پڻ دوري دوران وزيراعظم سان ملاقات ڪندا. وزيراعظم ترڪيءَ جي ناليوارن ڪاروباري شخصيتن ۽ مختلف شعبن ۾ سيڙپڪاري ۾ دلچسپي رکندڙ شخصيتن سان پڻ تفصيلي ملاقات ڪندا. ترڪيءَ جي ڪاروباري برادر?? ج?? نمائنده تنظيم يونين آف چيمبرز ڪميوڊيٽي ايڪسچينج (ٽي او بي بي) جو صدر وزيراعظم جي مان ۾ آجياڻو ڏيندو. وزيراعظم پاڪستان ترڪيءَ بزنس ڪائونسل فورم ۾ پڻ شرڪت ڪندو جنهن جو اهتمام ترڪ پرڏيهي معاشي لاڳاپا بورڊ (ڊي اي آئي ڪي) جي حصيداري سان ڪيو ويو آهي. وزيراعظم انهن تقريبن دوران پاڪستان ۾ سيڙپڪار?? ج?? موقعن کي اجاگر ڪندو ۽ پاڪستان ۾ سيڙپڪار?? ج?? لاءِ ترڪ ڪمپنين جي حوصلا افزائي ڪندو ته جيئن پاڪستان ۽ ترڪيءَ جي وچ ۾ واپاري ۽ معاشي رابطن کي مضبوط بڻائڻ جي لاءِ ڪم ڪيو وڃي. ناليواريون پاڪستاني ڪاروباري شخصيتون انهن تقريبن ۾ شرڪت ڪنديون. ان موقعي تي ٻنهي ملڪن جي ڪاروباري ماڻهن جي وچ ۾ (بي ٽو بي) ملاقاتون پڻ منعقد ٿينديون.
