بلوچستان اچ اتنی ترقی کرݙیسوں جو انتشار کھنڈاوݨ آلیں دی کوئی ڳال نہ سݨسی ، وزیراعظم دا نوشکی اچ خطاب، دہشت گرداں دے مقابلے اچ قربانیاں ݙیوݨ آلے نینگراں کوں خراج عقیدت، ایف سی تے رینجرز دیاں تنخواہیں اچ 15 فیصد ودھارے دا اعلان

نوشکی ۔8فروری (اے پی پی):وزیراعظم عمران خان نوشکی اچ دہشت گرداں دا مقابلہ کریندے ہوئیں قربانیاں ݙیوݨ آلے جواناں کوں خراج عقیدت پیش کریندے ہوئیں آکھیے جو پوری قوم کوں آپݨی بہادر فوج تے فخر اتے اعتماد اے جو دہشت گرد کݙاہیں کامیاب نی تھی سڳدے ، بلوچستان اچ اتنی ترقی کریسوں جو انتشار کھنڈاوݨ آلے عناصر دی ڳال کوئی نہ سݨسی ، سی پیک دے ݙوجھے مرحلے اچ صنعتی ترقی، ٹیکنالوجی دی منتقلی، انفارمیشن ٹیکنالوجی اتے زرعی پیداوارودھاوݨ تے خصوصی توجہ ݙتی ویسی ، بلوچستان ساݙی ترجیح ہوسی ۔ اے ڳال انہاں منڳل کوں اتھاں نوشکی اچ جواناں توں خطاب کریندے ہوئیں آکھی اے ، ایں موقع تے پاک فوج دے سربراہ جنرل قمر جاوید باجوہ، گورنرتے وزیراعلیٰ بلوچستان، وفاقی وزیر داخلہ شیخ رشید احمد، وفاقی وزیر اطلاعات و نشریات چوہدری فواد حسین، ڈپٹی سپیکر قومی اسمبلی قاسم خان سوری اتے ٻئے وی موجود ہن ۔ وزیراعظم آکھیے جو دہشت گرداں دا کامیابی نال مقابلہ کرݨ آلے نینگراں کوں خراج تحسین پیش کرینداں ، انہاں آکھیے جو پوری قوم اپݨی بہادر افواج دے رلے کھڑی اے ، ساݙی بہادر افواج جیویں دہشت گردی دے خلاف جنگ اچ قربانیاں ݙتن تے کارکردگی دا مظاہرہ کیتے کہیں ملک دی فوج ایں طرح دی جنگ نی لڑی ، اساݙی فوج جیں طرح دہشت گرداں توں ملک کوں محفوظ بݨائے ایندی مثال نی ملدی ، پوری قوم کوں آپݨی بہادر افواج تے فخر اے اتے قوم کوں اے اعتماد اے جو ساݙے خلاف کہیں قسم دی دہشت گردی کامیاب نی تھی سڳدی ۔ وزیراعظم ایں موقع تے ایف سی تے رینجرز دیاں تنخواہواں اچ 15 فیصد ودھارے دا اعلان کریندے ہوئیں آکھیے جو پاکستان وی پوری دنیا وانڳوں مہانگ دی وکیڑ اچ ہے ، امریکا اتے برطانیہ جیہے ملکاں کوں وی گزریل 40 سالاں دے دوران ساریں توں ودھ مہانگ دا سامݨا اے ، میکوں احساس اے جو ساݙا تنخواہ دار طبقہ تکلیف وچ ہے، میݙی پوری کوشش اے جو ملک دے معاشی حالات ایجھے ہوون جو آمدن اچ ودھارا تھیوے تے اساں تنخواہ دار طبقے کوں ریلیف ݙے سڳوں۔

مضمون کا ماخذ : پرامڈ ادا کرتا ہے۔

متعلقہ مضامین