اسلام آباد ۔ 29 جون (اے پی پی) قومی اسمبلی آندے مالی سال 2020-21ءدے 7137 ارب روپے حجم دے ٹیکس فری وفاقی بجٹ دی منظوری ڈے ڈتی اے ، این ایف سی ایوارڈ ??ے تحت 2874 ارب روپے دا ریونیو صوبیں کوں منتقل کیتا ویسی ‘ سماجی تحفظ دا پروگرام 187 ارب توں ودھا تے 208 ارب روپے کر ڈتا گئے ، توانائی، خوراک اتے بئے شعبیں اچ سبسڈی کےتے 179 ارب روپے مختص کیتے گئن ، محصولات دا ہدف 6573 ارب روپے مقرر کیتا گئے ، سرکاری شعبہ ??ے ترقیاتی پروگرام کیتے 650 ارب روپے مختص کیتے گئن ، بجٹ خسارہ جی ڈی پی دا 7 فیصد رہنڑ دا امکان اے،سیلز ٹیکس دی شرح 14 فیصد توں گھٹ کرتے 12 فیصد کر ڈتی گئی اے ، سیمنٹ تے فیڈرل ایکسائز ڈیوٹی 2 روپے توں گھٹ کرتے 1روپے 75 پیسے کرڈتی گئی اے ، پاکستان اچ بنڑائے ونجنڑ آلے موبائل فونز تے سیلز ٹیکس اچ کمی آگی اے ‘ درآمدات تے انکم ٹیکس دی شرح کوں خام مال تے 5.5 فیصد توں گھٹ کرتے 2 فیصد اتے مشینری تے ٹیکس 5.5 فیصد توں گھٹ کرتے ہک فیصد کرڈتا گئے ،گھٹ توں گھٹ تنخواہ 15 ہزار توں ودھا تے 25 ہزار کرڈتی گئی اے ‘ موٹرسائیکل رکشہ اتے 200 سی سی تئیں موٹرسائیکل تے ایڈوانس ٹیکس ختم کرڈتا گئے ‘ ٹیکس ادا نہ کرنڑ آلے ایجھے لوک جیرھے جو سکول دی سالانہ فیس 2 لکھ روپے توں ودھ ڈیندن انہاں توں سو فیصد زائد ٹیکس وصول کیتا ویسی ‘ ڈبل کیبن پک اپ تے فیڈرل ایکسائز ڈیوٹی لاتی گئی اے ‘ انرجی ڈرنکس تے ایف ای ڈی 13 فیصد توں ودھا تے 25 فیصد‘ درآمدی سگریٹس‘ بیڑی ‘ سگار اتے تمباکو دیاں بیاں چیزاں تے عائد فیڈرل ایکسائز ڈیوٹی 65 فیصد توں ودھا تے 100 فیصد کرڈتا گئے ، کووڈ۔ 19 متعلق صحت دے ساز و سامان دی درآمد تے جاری استثنیٰ مزید ترائے مہینے دی توسیع ڈتی گئی اے ،آندے مالی سا?? دے دوران جی ڈی پی دی شرح نمو کوں 0.4 فیصد توں ودھا تے 2.1 فیصد تے گھن آیا ویسی ، کرنٹ اکاﺅٹ گھاٹے کوں 4.4 فیصد تئیں محدود کیتا ویسی ، افراط زر دی شرح 9.1 فیصد توں گھٹ کرتے 6.5 فیصد تئیں گھن آئی ویسی ، براہ راست غیر ملکی سرمایہ کاری اچ 25 فیصد تئیں دا ودھارا کیتا ویسی ۔سنوار کوں وفاقی وزیر حماداظہر کجھ ترامیم دے نال مالی بل 2020 ءزیر غور گھن آونڑ کیتے پیش کیتا جیں اچ حکومت تے اپوزیشن ولوں ترامیم پیش کیتیاں گیا?? انہاں اچوں کجھ ترامیم منظور کرتے اینکوں مالی بل دا حصہ بنڑا ڈتا گیا ۔آندے مالی سا?? دے بجٹ دا اعدادوشمار دے مطابق کل ریونیو دا تخمینہ 6,573 ارب روپے اے جیں اچ ایف بی آر ریونیو 4,963 ارب روپے اتے نان ٹیکس ریونیو 1,610 ارب روپے شامل اے۔ این ایف سی ایوارڈ ??ے تحت 2,874 ارب روپے دا ریونیوصوبیں کوں منتقل کیتا ویسی ۔نیٹ وفاقی ریونیو دا تخمینہ 3,700 ارب روپے اے۔ کل وفاقی اخراجات دا تخمینہ 7,137 ارب روپے لاتا گئے ۔
