اسلام آباد – 01 – جو?? (اي پي پي) اطلاعات ۽ نشريات واري وفاقي وزير مريم اورنگزيب چيو آهي ته عمر??ن خان پنهنجي ڪارڪنن ۽ پارٽي اڳواڻن جا دل ۽ ذهن نفرت جي زهر سان ڀري 9 مئي سانحو ڪرايو، هاڻي ڪوڙ ڳالهائي رهيو آهي ته هو ان جو ذميوار نه آهي، هي اهو شخص آهي جنهن آئين، قانون، صداقت ۽ امانت جي هر لڪير پار ڪئي. عمر??ن خان جي انٽرويو تي ردعمل جو اظهار ڪندي پنهنجي ٽوئيٽ ۾ اطلاعات واري وفاقي وزير عمر??ن خان جي انٽرويو جي جملي ”مون کي جيل ۾ وجهندا ته ردعمل ته ٿيڻو هو“، ٻئي جملي ”اهو سڀ ڪجهه ورڪرن ۽ پارٽي اڳواڻن ڪيو آهي“ جو حوالو ڏيندي چيو ته اهو انٽرويو نه آهي، ٻهروپيي ۽ ڪوڙي ڪردار جي شخصيت جو آئينو ۽ اصل چهرو آهي، اهو انهن سڀني جي لاءِ سبق آهي جيڪي گمرا??ه جي گمراهي ۽ فريب جو شڪار ٿيا، هر غلط ڪم پاڻ ڪيو، هر ڀيري پڪڙجڻ تي الزام ٻين تي هنيو. وفاقي وزير چيو ته ”ون پيج“ کان ”آئون ته بي اختيار هئس“، ”آمريڪا منهنجي حڪومت ڪيرائي“ کان ”محسن نقوي منهنجي حڪومت ڪيرائي“ تائين جا ڪوڙ ڳالهائيندڙ شخص هاڻي 9 مئي جو ملبو پڻ آخرڪار پنهنجي ڪارڪنن ۽ پارٽي اڳواڻن تي وجهي ڇڏيو آهي. هن چيو ته جن فسادي جي ڀڙڪائڻ تي پاڪستان کي ساڙيو، قومي وقار ۽ شهيدن جي بي حرمتي ڪئي، اهو ئي ڪم هن فارن فنڊنگ جو ملبو پارٽي اڳواڻن تي وجهي ڪيو. عمر??ن خان هڪ ڪروڙ نوڪريون، 50 لک گهر، سائفر، تاريخي ڪرپشن جو ملبو ٻين تي وڌو، هي اهو شخص آهي جنهن آئين، قانون، صداقت ۽ امانت جي هر لڪير پار ڪئي. وفاقي وزير چيو ته عمر??ن خان هڪ سال کان پنهنجي ڪارڪنن ۽ پارٽي اڳواڻن جا دل ۽ ذهن نفرت جي زهر سان ڀريا ۽ 9 مئي سانحو ڪرايو، هاڻي ڪوڙ ڳالهائي رهيو آهي ته آئون ذميوار نه آهيان. اميد آهي ته عشق عمراني ۾ سڙندڙ پروانن ۽ ديوانن جي هاڻي تسلي ٿي وئي هوندي. هي محسن ڪشي آهي جنهن تي سڀ ماڻهو ڇڏي وڃي رهيا آهن.
